wadelbashir
Admin
المساهمات : 43
تاريخ التسجيل : 08/09/2011
العمر : 43
الموقع : Sudan/Khartoum
 | موضوع: ما تزعلي : قصيدة للشاعر/ محمدالبشير علي محمدالحلو  الخميس سبتمبر 08, 2011 4:40 pm | |
| مــا تزعـــــلي قولي السلام هو الزعَّلِك ... ما تزْعَلي  عطفك علي واتحمَّلي بدِّيكي عُذراً أقٌبلي قُبَّال تفوتي إتمهَّلي صعبان وصالك سهِّلي إختاري فيَّا وعدِّلي مُحتاج عينيك ماترحلي ما تزعلي ************** أنا ليَّا مين في الكون سواك لو ترحلي لو شكَّ قلبك أسأليه!!  جُوَّة الشعور إتغلغلي وبين المسام إتخَلخَلي مجرى الدموم إتخلَّلي تلقي القليب غيرك خلي ومدن الغرام مفتوحة ليك وأشواقي لي شوفة عينيك والفرحة وكتين ألتقيك وكلام كتير داسِّيهو ليك وسعادتي في لحظة مجيكي .... ومدخلي إتفضَّلي **************** إتفضَّلي خُشِّي الصَّباحات قَيِّلي والقهوة جنبك كَيِّلي وخُتِّي الكُراع فوق الكُراع وإتخيَّلي تلقي القليب مفروش ورود سوسن هواك وعبير شذاك وأريج لُماك ونسيم فرايحي وفُــلَّلِي وفي مدخلو الكان مدخلي مكتوبة بالخط العريض إتــــفـــضـــَّــــلــــــــي أهلاً وسهلاً أنزلي ليكي الأمان ليكي السلام هيا أوصلي وإتنزَّلي أهلاً وسهلاً بي مجيك إتفضلي محمد البشير علي محمد الحلو الخرطوم – السودان هاتف : 00249123880436 | |
|
