wadelbashir Admin
المساهمات : 43 تاريخ التسجيل : 08/09/2011 العمر : 43 الموقع : Sudan/Khartoum
| موضوع: محبوبي العفيف / قصيدة للشاعر: محمدالبشير علي محمدالحلو الخميس سبتمبر 08, 2011 4:44 pm | |
| محبـوبي العفـيف
الليلة السعد ... طلَّانا شرَّف دارنا يوم جانا العصير ... زولنا العشقنا ودارنا شاهدنا النهار ... نجم السعود في مدارنا لولا ريدنا ليه ... في الريدة يبقى ودارنا ********* الغيمة الرحول ... جات بي خطاوي وئيدة حيَّتني ودنت ... لإيدي مدَّت إيدا حازت لي هواي ... في قلبي دسَّت ريدا من دون البنات ... يشهد إلهي بريدا ********** محبوبي العفيف ... ساحر قوامو مُتنَّى يوم ساقو الحنين ... جاني العصير يتتنَّى في الريد هو الأخير ... في الجوف غرامو مُتنَّى والحاز لي رضاه ... والله ضمن الجنَّة *********** اللادن الكحيل ... ماقلت ما بوفيهو سبحان القدير ... مولاي أبدع فيهو بعلن وبفتخر ... أنا ريدو ما بنفيهو لو بإيدي المراد ... من الأهل بخفيهو
*********** الدار العشق ... للجمرة بتوطَّاها أديني النجاد ... سيدي الرسول يا طه دة الجاهل الوديع ... فلذة كبدتي وطاها جار في الحب علي ... لحَّقني أُمَّات طــه ************* محبوبي البديع ... ساكن الفضا الجُوَّاني حاضر في القليب ... مابنسى ريدو ثواني السمح الجميل ... للخير عيونو مواني للحق بعترف ... بالجد هويتو ... هواني *************** بسَّام الحبيب ... برقاً شلع قبلاني جاب غيث السعود ... مطراً نزل بلَّاني أجمل إبتلاء ... والمولى بيهو بلاني شال قلبي ومشى ... ومسَّخ على خِلَّاني **************** يا محبوب كفاك ... سيب العناد خلِّيهو رحماك بي عشوق ... قرَّب هواك يفنيهو من فارق عينيك ... كاحلة الدموع عينيهو أعطف وليهو صِل ... منَّك قريب أدنيهو
محمد البشير علي محمد الحلو 14.7.2005 هاتف : 00249123880436
| |
|